التقى الإعلامي عمرو الليثي، خلال برنامج “واحد من الناس”، المذاع على قناة الحياة، بعم علاء خليفة عامل يجمع البلاستيك على تروسيكل، وتحدث معه عن تفاصيل حياته وعمله، ورد قائلا: “عندي 4 أولاد في مراحل التعليم المختلفة، وأنا بلم بلاستيك، والمخازن تشتريها مني، والبلاستيك بجمعه من صناديق، وكل يوم في رزق مختلف وبدعوا ربنا بالستر”.
وكشف عم علاء، خلال لقاءه بكاميرا “واحد من الناس”، عن أن أحد أبناءه يعانى من مرض سرطان الدم، مضيفا: “أمنيتي شفاء ابني.. عندي ابني الكبير بقول ربنا يشفيه، وهو عنده سرطان في الدم، وبيتعالج بقاله سنتين في معهد الأورام وهو طالب في كلية التجارة”.
وتابع: “ربنا يسدد ديوني وعليا حوالي 15 ألف جنيه وفي فترة تعب ابني استلفت كتير، وربنا يسدد ما علينا، وبحاول اسدد على قد ما أقدر”.
وقدم الإعلامي عمرو الليثي، هدية مبلغ 5 آلاف جنيه لعم علاء خليفة دعم من البرنامج لسداد جزء من مديونيته، وعبر عن سعادته قائلا: “ربنا يخليك ويزيدك وده فضل ونعمة من عند ربنا ومش عارف اقولكم ايه وربنا يعلي في مكانتكم”، وعلق الليثي: “راجل بيكافح على لقمة عيشه وبيشتغل شغلة بسيطة على تروسيكل عشان 4 أبناء”.