حكم وأمثال سورية

أصابيعك بأيدك مو كلا سوا

أدن من طين وادن من عجين

ايدين دكك ورجلين سكك

أكبر منك بيوم أعرف منك بسنة

العاب بالمقصوص حتى يجيك الطيار

الحجر مطرحو قنطار

النار ما بتحرق ايد إلا كاويها

الحجر اللي ما بيعجبك بفجك

المونة بدا ركونة ما بدا مرا مجنونة

الرجل ما بتدب غير مطرح ما بتحب

الحب مطب والعاشق أعمى

أكل ومرعى وقلة صنعة

الجواب بمحلو متل الدهب بمغلو

السكافي حافي والحايك عريان

اللي فيه مسلة بتنغزو

ألف قلبة ولا غلبة

ألف عين تبكي وعين أمي ما تبكي

الرجال عند غراضها نسوان

العين ما بتعلا عالحاجب

الدم ما بيصير مي

الديك الفصيح من البيضة بيصيح

الحكي صابون القلوب

العين بصيرة والايد قصيرة

العز للرز والبرغل شنق حالو

العروس بعلقها وقلة أكلها

الطبل بحرستا والزمر بمنين

البحر ما بتعكرو ساقية

 

آب اللهاب

ايلول دنبو مبلول

الرحمة مخصصة والبلا بيعم

ألف قولة جبان ولا قولة الله يرحمه

الموت مع الناس رحمة

الحية إذا جاعت بتعض بطنها

الكلام بينداق متل الطعام

اذا احتجت الكلب قوللو يا حاج كلب

الله بيطعم الحلاوة للي مالو سنان

القرد بعين أمو غزال

الضرف العايب نافخو تعبان

طول عمرك يا تينة مجعلكة

لا تعمل متل يلي أخذ القرد على مالو .. و راح المال و ظل القرد على حالو

خذ الاصيلة و نام على الحصيرة

الحية آلت للدودة تضربي على هالآمة المدودة

يلي بجرب المجرب بكون عقلو مخرب

يلي بياخد الأرد على مالو بروح المال و يبئى الأرد على حالو

طب الجرة على تما بتطلع البنت لأمها

مو كل مرة تسلم الجرة

دق القرفة و لا صباح السلفة

كومة حجار و لا هل الجار

شو ما طبخت العمشا جوزها بيتعشا

من قلة تدابيره خلطة الحنطة مع الشعيره

طلطميس ما بيعرف الجمعة من الخميس

يلي بيلاعب القط بدو يتحمل خراميشو

قرعة و مشطها نص دراااع

باب النجار مخلع

الخنفسة شافت بنتها على الحيط قالتلها تئبريني متل اللولو بالخيط

الحية ما بتنحط بالعِب

بتعمل من الحبة قبة ، و من الإبرة جمـل

المهرة من خيالها ، و المرا من رجَّالها

رزق الخسيس بروح فطيس

شعرة فوق شعرة بتصير ذقن

قالوا : عيونو زرق ، و سنانو فرق ، و ذقنو كوساية و بصيب بالعين

حط كلب يحرس دارك ، و حط قط ياكل فارك ، ولا تحط ابن آدم يكشف أسرارك

أكلة و مرعى و قلة صنعة

لا تفتش عن حمرة خدودها ، فتش عن أصل جدودها

إذا أبوه البصل ، وأمه الثوم ، من وين بدها تجي الروايح الطيبة !!

هو : الله يلعن يلي بسب الناس
هي : الله يلعن يلي بخلي الناس تسبو

فوق المعروف بياكل كفوف

عم يعزي و ما بيعرف مين يلي مات !!

هو:يلي بيتغطى بلحافكم بيبرد
هي: كل ما شفت رغيفك بجوع

برا شحرور و بالبيت دبور

النملة بس بدها تخرب ، بتركب جناحات

يلي ما بحبك أقعد جنبو و كول من أكلو و احرق قلبو

العدو ما بصير حبيب ولو صار الحمار طبيب

البنت المليحة و لا الصبي الفضيحة

الله بطعمي الحلاوة للي ما عندو سنان

المقلاية عيرت الطنجرة ، قالتلها : تنيناتنا بالمطبخ

عند جرن الحمام بتبان الأرعة من ام الشعر

كل قمحة مسوسة إلها ألف كيال أعمى !!

 

قدمنا لكم عبر موقعنا ” لحظات ” حكم وأمثال سورية ” نتمني أن تنال أعجباكم وللمزيد من الحكم العربية زورو موقعنا ” لحظات “