شعر شعبي عراقي حزين

أَحبَكمْ قلبي وما عشقتُ سواكم
وقلبي يهوى أَن يكونَ فداكم
يهون علينا بعدكم ونواكم
تذكرني الأحلامُ إِني أَراكم
عرفتُ لذيذ النوم كيف يكونوا
وما أَغمضت عيناي بعد فراقكم
ولا لقلبي بعد المنامِ سكونوا
يخيل لي في المنامِ إِني أَراكم
وإِني لأهوى النومَ بغير حاجةٍ
لعلي لقاكم في المنامِ يكونوا
فيا ليتَ أَحلامُ المنامُ يقينُ

أَكننتُ نفسي خشية اللوامِ
وعضضت مضطرماً على أَبهامي
ووقفتُ يقتلني الحياء كأنهُ
سمٌ سرى في أَضلعي وعظامي
أَخفي جراحاً لستُ أَعلمُ بلسماً
يشفي جراحي ويجتلي آلامي
وأَبيتُ في سقمٍ مريرٍ جامحٍ
وأَظلُ ملتفاً بحبل سُقامي
أَقضي الليلي بل أَبيتُ مُفكراً
أَين الصباحُ ونورهِ المترامي

شكد أنتظرتك تحجي وماحجيت؟؟

فات العمر كله وماشفت ردك…

سمعت هواي كالولي مشتاك…

وهالكلمه بحياتي ماسامعهه منك ..

كالو ذوله الناس سألو عليك هواي …

بس هذا الوحيد الماسأل عنك ..

تدري انت وتعرف بيه كلش زين…

شيصير بحالي من ابتعد عنك ..

وشيصير بحالي يوم من مايمر طاريك..

اتذكر الماضي بلكت بلحظه اشتمك ..

بلكت بالغلط أسمعهه منك….يوم

شلونك؟؟شنوأحوالك؟؟وشلووون صحتك..

أصبر الروح وأقرر لازم أنساك…

وأرجع مو بيدي والله وبالغصب أرجعلك ..

افهمني
افهمني أترجاك كافي عاد أرجوك…

موحته العيون حلفت ما غفت بعدك ..

دست جروح كلبي وكتله أنساه…

جاوبني الكلب كلي مو كيفك أشحدك

لماذا لماذا طريقنا طويل مليء بالاشواك
لماذا بين يدي ويديك سرب من الاسلاك
لماذا حين اكون انا هنا تكون انت هناك.

وإذا قبـروني وأندفنـت ..

مر شمــال أن كان ودك تمــر..

مر على قبـري وشووف محلـه..

وأن كان ودك عند قبري تصـلي ..

اليـا دعيـــت هـل الدمـــع كلــــــه ..

وقوول أجمعنــي به يارب العاااالميــــن

جسـم كلاه الدوود وصْلـك يبـله..

ريد اصرخ واسم الناس عن البينج وبيني

جمعنة الشوق صار سنيين تاليهة تخونيني

وانا الماغمضت عيني بعشرتج مساهرة عيني

اناديج بتوالي الليل واصيحن هم تحبيني

يجاوبني الصدى ويكلي احبك يانظر عيني

صرت بيدج غصن ذبلان وبصحراء زرعتيني

وعايش باقي بالحسرات ولو كطرات تسكيني

وهذا الحد الوصلتة وياج واترجاج اعذريني

شلون أصبر
غيابك حبيبي اشلون اصبر الروح
يا حال اليظل على حالي من تروح
جرحك بالكلب داويته بس ما طاب
وبطاري السفر زيدت قلبي اجروح
ما أنساك لو سافرت عشر اسنين
وشوكت ما ترد باب القلب مفتوح
يمي إنت واحس بيك ابعيد
وأبد ما فكرت يجي يوم مني اتروح
صحيح إني كتلك سوي كلشي اتريد
بس على البعد كلتلك هذا ما مسموح
النفس إنت الاشمه ولو تروح شلون
شلون تريد أعيش إني بلياك
وإني أشتاقلك من إنت موجود
من تبتع اظل لصبح ما انام
وإذا ما تصدك نجوم السما شهود
أموت اني بغيابك لمن تروح
لن حبك بكلبي ماله حدود
يوم التسافر احجز لشخصين
لأن ميم بالمية وياك قلبي ايروح
وشما تبتعد خليه دوم وياك
احس ما يظل بروحي بس مذبوح
شي يبقالي بحياتي وإنت ما موجود
بس هم وأذيه وألم وجروح
رسمك كمت أشوفه من أغمض العيون
ولو يعمن عيوني ما أضنه يروح
ما أريد أحظنك لو صار الوداع
لأن من أهدك تطلع الروح
عشكتك وأدري اتعب ابحبك
رضيت بقسمتي وملهوفه تدريني
أريد اكضي العمر وياك
تدري إنت بغيابك حيل تاذيني
عيني الما تشوفك تنعمي وللدوم
لأن إنت حبيبي فرحة اسنيني
تعال وخل اضمك حيل يهواي

شجاك تغيرت وبگلبك انته شصــــار؟؟
جنت تموت بية وجنت تعــــــــــبدني
وجنت اتنفسك وانته الهـــــوه بدنياي
وجنت لو تبتعد لحظــــات .. تخنكني
معقولة الورد ينكر جمــــــــيل الماي؟؟
وانت بهالسهولة تنازلـــــــــت عني؟؟
ما أنكر مقصر إجت فـــــــــــــترة وياك
لكن مو بدية الوكت يجبرنــــــــــــــي
شسولفلك بعد؟ طعم السوالف راح
ردت منك توافي وخيبت ضنــــــــــي

تخيل صديقك توه يمك مات
وحبيبك فات من يمك يزفونه
عليك الزهره دمعتك المن طيح
للزفو لو للراحو يدفنونه

مشتهيك وعندي واهس شاب
خلص عمره محافظ ودربه عفيف
كلشي ما شايف وشاف
اليوم اخلي البيه يشـبع
وانت عود اشبع رجيف
اليوم اشمك” اليوم احضنك”
اليوم اليوم” بعد ماترهم اكمل
يله خلي نتسودن غرام وابد لتكلي حرام
انت بس كلي تعال هدومي اذبنهن واجيك

عجوز كانت تحب في صباها شاب
من سكنة منطقتها عشقته حد الجنون
و لكن لم يكن من نصيبها و حالت الظروف بينهما
تزوجت و ٱنتقلت إلىٰ مكان ٱخر
بعد 60 سنة من عمرهم
قالوا لها ٱحفادها حبوبة حبوبة
هذا واحد جاورنه من منطقتكم القديمة
كالت الحبوبة هلة بريحة ٱهلنه و شهكة ٱصباي الي خانكهه الزمان
ٱي حبوبة شسمه جارنه الجديد
كلولهه بأسمه عرفته حبيبها الإولي
كالت …
عليك الدمع مثل السيل ياري
و يا فـكـر البقه بلراس يا راي
بعد هل عمر ولفي يصير ياري
عـجـوز و ردن الـعـشـريـن بيه

العنده حب يكتل كتل
عود ليش يتحول طفل
ماينام اله بسوالف دافيه

أنـه مو زعـلان بس عشگي ثگيـل ،،،
مو مثل عشگ البعض ساعة وربع ،،،
بيه نسمات العشگ تحوي السنين ،،،
يلـهواك أتنفسـه وما ينگطـع ،،،

عليمن تضحك عيوني ؟
اذا كل هالبچـي بروحي !
انة چذاب يا روحي
لا هل الگمر بمرايه الشـباچ
و لا عيد الاجه ابابي
و لا ( كل عام و انت بخير ) لاگتلي
انة كل عام بـ ترابي
انة كل عام بمصابي

حينما نلتقي
سيعزف وتر الحب لنا
الحانآ سماوية
وتراتيل العاشقين طويلا

يهزني الشوگ هزت خشبه اخذها الماي
ويعصـرني الـغروب بلايه حنيتـك

راحت ايام وراحت سنين
وحده تشبهه شفتهه
يجوز هيه يجوز لا
يجوز هيه بكربلاء
بلكي مو هيه شفتهه مبهذله
شويه صاحتلي علي علي عبالي الي
طلع عدهم ولد ومسمي علي
المايحصل علنصيب يسمي ابنه علحبيب

گبل چنت من أعوفك ولو لحظات

كل لحظة التمر تنعد بالف عــــام

بس وداعتك هسة الوضع غــــير

تمرني سنين هجرك چنهن أيّــام

الجمال البيك ما منة جمال

انت منك غار بستان الورد

انت ربك ميزك عن العباد

من تطلع بتموز يكتلنا البرد

نسونة الجانو بنظرة يحلمون

وليش نلوم بيهم والله حقهم ..

مابيهم خلل بينة الخلل جان

أنطيناهم أكبر من حجمهم .~

اليشوفك عمت عينه من ضواك

والمشافك عمت عينه شگد خسر

فدوة لاتطلع أخاف يفرهدوك

لأن مامنطين بالحصة شكر d:

نته مو مثل البشر لا مستحيل

إنته صح شكلك بشر بس يختلف

إنته أقوى انسان گدامك ضعيف

بنظره من نظرات عينك يرتجف ..

بگلبي بروحي بعيوني اخليك

حرت ما گمت اميز وين اضمك

ومن گد ما احبك گمت اشك بيك

يمكن انت ابني واني امك ..~

أجه رمضان ابد لاتطلع الباب ”

خلي الناس يمعود يصومون ”

لأن وجهك عسل والنفس تدنه عليه ”

اخاف بشوفتك كلهم يفطرون

كلش دخت بيك منين مخلوق

إذا من طين اشكن كلش بهاي

كلها بماي تسبح تنضف الناس

ومن ايلوح جسمك ينضف الماي

مو جنت طول العمر تمشي وراي

مثل ظلي تريد بس تشوفني

وامنت بيك الظهر ما ادري بيك

بس تصير الدنيا ظلمة تعوفني

وللمزيد من  شعر اكل وشراب واعداد حلويات وازياء حوامل واحاديث وادعية وقرأن تابعونا على موقنا الذى يدعى موقع لحظات ستجدون كل ما هو جديد ومميز..