صفات رجل برج الأسد

رجل برج الأسد هو رجل رومانسي من الدرجة الاولي، كل حاجة فيه بتشد، ثقته بنفسه شديدة الجاذبية، حركاته جريئة، وسحره لا يقاوم.. الناس بتحبه وبتنجذبله كحبيب وكصديق كمان. هو بيحب انه ينال أكبر قدر من الإهتمام من الناس اللي حواليه، وانه يبقي محور تركيزهم وكلامهم وبينجح بمنتهي البساطة إنه يحقق ده بجاذبيته وشخصيتة الأثره.

رجل الأسد لما بيوقع في الحب، بيقع بكل جوارحه، حبه عميق وكله درام، كل لحظة رومانسية بتبقي مع الرجل الأسد مختلفة، بتبقي اقوي واحساسها عميق وجارف، هو رجل بيعرف إزاي يسعد شريكته، مخلص جدا وبيكرسلها حياته، وبيخاف عليها من الهوا الطاير، وبيبقي مستعد انه يحميها وبمنتهي الشراسة لو حس إن حد ممكن يضايقه ويؤذيها. هو كمان رجل غيور جدا.

رجل الأسد اوقات كتيرة بيبقي عنيد، متعنت ومتشبث برأيه في موقف معينة، صعب قوي انه ممكن يقتنع بوجهه نظر غير بتاعته وحتي انه يسمع للطرف التاني.. ولو حد حاول يضغط عليه عشان يقنعه بوجهه نظره ممكن وقتها الأسد يطلع المخالب بتاعته.. أحسن طريقة تنفع معاه المسايسة والتلميحات الخفيفة اللي من تحت لتحت.. متحاوليش تروضي الأسد عشان مش هتقدري، حاولي تتجنبي المواجهة المباشرة وبدالها جربي معاه المعاملة الرقيقة الحنينة.

على الرغم من إن رجل الأسد ممكن يبان انه مغرور وأناني، بس هو من جواه وللناس القريبة منه على العكس تمام، هو رجل قلبه طيب وحنين مع اصحابه وعيلته، بيقدر يستحوذ على احترامهم وحبهم ليه، حتي في شغله بيقدر بسهولة جدا ينال اعجاب واحترام زمايله، مديرينه وحتي فريق عمله، الكل بيسعي انه يكون معاه وقريب منه، ولانه رجل مبدع بيبقي كل يوم ممكن اللي حواليه يقضوه معاه فيه جديد وغير روتيني على الاطلاق.

رجل برج الأسد بتلاقيه مهووس بالعربيات الغالية والاجهزه الالكترونية الحديثة، بيحب يعيش حياة مرفهة ومرتاحة، مش بيهتم انه يحوش فلوس لوقت العوزة، ممكن يقلق ويفكر في موضوع الفلوس ده احيانا من وقت للتاني لكن مش كتير.

رجل الأسد اصدقائة كتير، هو بيحب أجواء المرح والحماس والإثارة، علي طول عنده اسعتداد انه يديهم رأيه في مشاكلهم، بيحب اصحابه جدا وبيبقي عايز يساعدهم، هو كريم للغاية وبيهتم بالناس اللي حواليه. زي ما اتكلمنا قبل كده عن طيبة قلب الرجل ده، هو عنده قدرة انه يسامح اللي بيغلط فيه لو حس إن الشخص ده غلط من غير قصد ومكنش متعمد انه يؤذيه.

بما إن رجل الأسد بيحب أجواء المرح هتلاقيه دايما مشترك في نشاطات جسدية كتيرة، ممكن بشكل مفرط أكتر من طاقتة، ده بيخليه عرضة للاصابة، وبرده من المثير للإهتمام إن الرجل ده بيحب ينام ويرتاح بإفراط برده زي النشاط بظبط، عشان كده هتلاقيه بيتحول من حالة الأسد الكسلان لحالة النشاط المكثف وبعدين يرجع تاني.

الثقة الطبيعية اللي في رجل الأسد بتخلي مفيش مهنة ابعد من قدراته، هو يقدر ينجح في أي وظيفة يختارته، بيقدر يحفز ويحمس الموظفين بتوعه انهم يشتغلوا بكل طاقة وشغف. معظم اختياراته بتبقي في مجال السياسة، العمل الاجتماعي، الرياضة، المبيعات، وطبعا مجال الفنون بكل انواعه، الرجل ده يعشق انه يبقي في دايره الضوء ومركز الأهتمام، تفتكروا هل فيه حاجة أكتر من العمل الفني ممكن يديله ده؟

ولللمزيد زورو موقعنا لحظات اكبر موقع في الشرق الأوسط والعالم العربي