طريقة الجريش دون لحم والجريش من الاكلات المنتشره في دول الخليج العربي ويمكن في عمل الجريش ان لا يتم الاعتماد علي اللحم وتختلف طريقه تحضيره من منطقه الي اخري حسب عادات المنطقه وطريقه عمل الجريش بها واليوم سوف نقدم لكم طريقه عمل الجريش دون لحم .
المقادير
كوبين جريش
كوب رز مصري
3 معالق شوفان
مكعبات دجاج مقطع
4 حبات بصل مقطعه
بهارات
كمون
فلفل اسود
ليمون
قرفة
ملح
كوبين الى ثلاث أكواب لبن
علبتين زبادي
ماء مغلي
للتزين : حبتين بصل مقطعة شرائح وفلفل بارد مقطع شرائح
طريقة التحضير
نقطع البصل شبه صغير ونحمس البصل بالزيت وزبده شوي
نضيف عليه الدجاج مقطع مكعبات
ونضيف عليه البهارات والكمون ورشه قرفه وفلفل اسود وشوي ملح
وبعد مايستوي الدجاج نحط فوقه الجريش والرز المصري و الشوفان
ونخلطهم عدل مع بعض بعدين نصب عليه الماء المغلي ونخليه يطبخ مع التحريك المستمر واضافه الملح على حسب الرغبة # ملاحظة : في حاله اذا الرز والجريش لسه باقي يابس صبي عليه ماي لمن يلين وضيفي عليه ملح وكمون مع كل قلبه ملعقه كمون صغيره
لمن نشوف بدا ينشف الماي ونشوف الجريش والرز مستوين نحط فوقه الزبادي مع التحريك المستمر
وبعدين نصب عليه لبن مع أضافه ملعقه كمون صغيره وملح اذا احتاج
وشوفوا هنا مع كل قلبه وتحريك كل ثلاث دقايق حطي كمون لان الكمون ورشه قرفة يعطي لذه ويصير ناطع
وهنا الحمسه بصل شرائح مع فلفل بارد شرائح بالقدر زيت وزبده شوي ونحرك الين مايذبل ونضيف عليهم بهارات وملح وفلفل اسود وعصير الليمون
وهنا بعد ماحطينا الجريش بالصحن حطيت فوقه زبده لورباك والحمسة ورشه كمون وبالعافية
حبيباتي في حاله الليمون عندك قاسي انصحكم تحطونه في كوب ماء حار او باديه وتخلونه 5 دقايق كذا وتعصرونه وبسرعه راح ينعصر معاكم
الجريش
