طريقه الجريش في قدر ضغط

تحتاجين الى جريش تقريبا كاس ونص
ونص كاس رز سنوايت نقعيه هو والجريش اقل شيء 3 ساعات
ودجاجه كامله او صدور دجاج
وبصله صغيره
وثلاث مكعبات ماجي
ولبن كاسين

في قدر الضغط كشني البصل بدون ماتخلينه يذبل واضيفي مكعبين ماجي او واحد
حسب الرغبه
وحطي فوقها الدجاج بعد غسله وتقطيعه الى اربع قطع
طبعا بعظامه
لاننا نحتاج للمرق للجريش
ولا تنسين الملح واظيفي الماء بمقدار 5 كاسات تقريبا واقفلي القدر خليه 15 دقايقه فقط
بعدين افتحي القدر وطلعي الدجاج وخليه على جنب
وحطي الجريش والرز في المرق وسكري وخليه على نار هاديه جدا
لمده ربع ساعه
افتحي القدر وشوفيه نظج او باقي لو احتاج لوقت اكثر حطي عليه المويا واضغطيه زياده شويه
بعد استوائه تماما حطي كوبين لبن او اكثر حسب الرغبه بس لاتكثرين مره ويسير حامض وفتتي الدجاج واضيفيه على الجريش
وخليه شوي تقريبا عشر دقايق على نار هاديه من غير ماتقفلين القدر وكل شوي حركيه عشان مايحترق
وبتدي في الكشنه وهي عباره عن خمس او ست بصلات مفرومه
وزبده او سمنه تكشنين البصل فيها وخليها على نار متوسطه مع التحريك المستمر الى ان يشقر البصل
وحطي علي ملعقه بهارات وذره ملح ومكعب ماجي
وحركيها الى ان تمتزج
وحظري الجريش في طبق وحطي فوقه الكشنه