طريقه عمل الصفيحه السوريه بدبس الرمان

المكوّنات

5 كاسات طحين منخول (ممكن تحتاجي اكتر حسب نوع الطحين)
معلقة صغيرة خميرة
معلقتين كبار سكر او فنجان قطر
رشة ملح
فنجان زيت
0.5 كاسة لبن
كاسة ماء
0.5 كاسة حليب سائل
مقادير الحشوة :
0.5 كيلو لحمة مدهنة
بصلتين وسط مفرومات ناعم
3 معالق دبس رمان
رشة ملح
رشّة بهارات
4 معالق كبار لبن روب
3 معالق كبار طحينة
معلقة صغيرة عصفر او كركم

اول شي منحط السكر والخميرة مع الماء ومنحرك جيداَ ليدوب السكر والخميرة بالماء.

بعدها منحط اللبن والحليب السائل و2كاسة طحين ومنحركهم منيح بالمشبك اليدوي ونتركها لمدة ربع ساعة تتخمر .

بعدها نضع فنجان زيت ونخلطه مع المواد السابقة.

ثم نضع 3كاسات طحين والملح ومنعجن منيح لتصير عنا عجينة ناعمة منتركها تتخمر ساعة وبعدها منبلش شغل فيها

تقطع العجينة الى 5 قطع كبيرة ونأخذ قطعة ونترك الباقي يرتاح

نمد القطعة بحجم كبير ثم تقطع بشي مدور او متل يلي بالصورة من الطرف الغير مزركش

ثم نصف القطع الدائرية في صينية واذا ماكانت الصواني تيفال يفضل وضع قصدير ومسحة بقليل من الزيت

منخلط المكونات الحشوة مع بعض و اذا ناقصو ملح او حمض منزيد (طبعا بعد مانستخدم حاسة التذوق) وبعدها مدي اللحمة فوق العجينة

نضع اللحمة على العجينة وندخل الصينية الفرن على درجة حرارة 160 بس تتحمر من تحت منخفف درجة الحرارة من تحت او منطفي حسب نوع فرنك ونشعل من فوق .

بس تتحمر الصفيحة شوي صغيرة من فوق نخرجها من الفرن ومنغطيها مباشرة بفوطة لتحافظ على طراوتها

قدمنا لكم مشاهدى ومتابعى موقع لحظات وصفه صفيحه بدبس الرمان السوريه  لتنال اعجابكم وللمزيد من الوصفات اكلات جانبيه او اشهى الحلويات الشرقيه والغربيه او المعجنات كالمحترفين عليكم فقد زياره موقع “لحظات “