طريقه عمل حلويات رمضان المصريه

طريقه عمل البسبوسه للشيف محمد فوزى على موقع لحظات

المقادير
400 جرام سميد بسبوسة (2 ونصف كوب )

نصف كوباية سمنة سايحة(100 جرام )

كوب سكر (250 جرام ) انا حطيت كوباية الا ربع بس

معلقتين سيرب تقيل او عسل نحل

4/3 كوب لبن

للشربات

كوب ونصف سكر

كوب ونصف ماء

عصير نص ليمونة

التحضير
نحط كل مكونات الشربات على بعضها على نار هادية لغاية ما السكر يدوب

وبعدها ب5 دقايق بالضبط مش اكتر تطفى عليه وتسيبيه يهدى فى المطبخ

الطهى
ده السميد اللى عندنا لا ناعم ولا خشن

400 جرام يعنى 2 كوب ونصف من كوبايت المعيار الخاصة بالحلويات
ناخد 4/3 مقدار السمنة اللى عندنا وننزلها على السميد ونبس السميد بيها

زى ما بنعمل كده مع الكحك

الخطوة دى مهمة جدا لانها بتخلى السميد يتشرب بالسمنة كويس جدا

وهى خطوة مهمة لنجاح البسبوسة
نضيف السكر وده سكر عادى مش بودرة
نقلب بايدينا على خفيف مش بنعجن
نضيف السيرب التقيل وده بيخلى البسبوسة مش بتشقق

اقصد بالسيرب التقيل الشربات اللى بنعمله للكنافة او بلح الشام

لو مفيش ممكن عسل نحل
نضيف اللبن كله مرة واحدة ونقلب كله مع بعضه تقليبة خفيفة مش عجن خلى بالكوا مش عجن
بقية السمنة اللى كانت معانا

ناخد شوية ندهن الصينية

وشوية نحطهم على الوش ونفردها بايدينا ونساويها

ادى كمية السمنة اللى سبتها للوش
نخبط الصينية كده خبطتين تلاتة علشان نساوى الفراغات
تدخل الصينية فرن سخن على 180 لمدة نصف ساعة تقريبا

وباشغل الفرن فوق وتحت مع بعض

ولو لاقتيها استوت خالص ولسه الوش ما اتحمرش ولعى عليها الشوايه دقيقتين تلاتة حتبقى تمام
خرجت البسبوسة بالسلامة من الفرن والشربات بقى دافى كده زى دمعة العين مش سخن اوى

ونصبه كله على البسبوسة

قدمنا لكم مشاهدى ومتابعى موقع لحظات اجمل وصفه البسبوسه لنتال عجابكم وللمزيد من الوصفات اكلات جانبيه ومقبلات واطباق رئيسيه و اشهى الحلويات الشرقيه والغربيه والرمضانيه او المعجنات كالمحترفين عليكم فقد زياره موقع “لحظات “

طريقه عمل الزلابيه على طريقه الشيف نجلاء الشرشابى عى موقع لحظات

المقادير

2 كوب دقيق
رشة ملح
ملعقة كبيرة نشا
ملعقة صغيرة خميرة فورية
ملعقة كبيرة سكر
ملعقة صغيرة فانيليا
2 كوب ماء
زيت
شربات

طريقة التحضيرالزلابيه بطريقه ولا اروع للشيف نجلاء على قد الايد

* إخلطى الدقيق مع الملح والنشا والخميرة والسكر والفانيليا

* أضيفى الماء وقلبى حتى تصبح عجينة سائلة

* إتركى الخليط ليتخمر ثم قلبي

* بللى ملعقة صغيرة بالزيت ثم شكلى بها الزلابية وأقليها فى زيت متوسط السخونة

* إخرجيها عندما يصبح لونها دهبى فاتح من الزيت وإتركيها قليلاً ثم إرجعيها إلى الزيت مرة أخرى حتى تتحمر جيداً وتصبح مقرمشة

* ضعى الزلابية فى الشربات ثم صفيها قدميها

قدمنا لكم مشاهدى ومتابعى موقع لحظات اجمل وصفات حلويات مصريه  لنتال عجابكم وللمزيد من الوصفات اكلات جانبيه ومقبلات واطباق رئيسيه و اشهى الحلويات الشرقيه والغربيه والرمضانيه او المعجنات كالمحترفين عليكم فقد زياره موقع “لحظات “