نكت مصرية مضحكة 2024

وتذكر دائماً بان جرعة نكت مضحكة يومية تساعدك على تخسيس الكرش، وذلك لان الضحك هو نوع من تمارين شد البطن، ولكن يشترط ان تقوم بقراءة كل نكتة مرتين قبل وبعد الطعام.

 

وفي كل الاوقات خليك عارف كم نكتة بتفيدك يعني لو مزنوق مع شلة مثلا او مجموعة مش عارف تتكلم في ايه ما عليك الا تقول سمعتوا اخر نكت ضحك مصرية 2017 وتديها.

 

اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه

 

* إتنين ماشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته

 

* واحدة الدولاب عندها بيعمل صوت لما القطر بيعدى من جنبهم جابت نجار صلحه مرة و اتنين و تالت مرة قالتله و الله ما انت ماشى الا لما القطر يعدى و أشوفه هيتهز ولا لا شوية و جوزها جه و النجار من الخضة استخبى فى الدولاب …. لما جوزها شافه قاله و انت بتعمل ايه هنا قاله النجار لو حلفتلك بايه مش هتصدق اني مستنى القطر .

 

* مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه.

 

واحد بلدياتنا كان قائد فى الجيش و قدامه أربع صفوف عساكر … واحد من العساكر عطس .. القائد سأل أول صف مين اللى عطس؟ محدش رد .. فتح عليهم النار قتلهم كلهم .. و بعدين سأل الصف التانى مين اللى عطس محدش رد .. راح فاتح النار عليهم ….والدور على الصف التالت قام واحد خاف و قاله انا اللى عطست ياباشا قاله القائد يرحمكم الله.

 

* مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق.

 

واحد بلديتنا راح امريكا لقى كل الشباب لابسين تشيرت مكتوب علية سفن اب كوكاكولا – بيبسي .. راح كتب على الجلابية عصير قصب.

 

مرة اتنين ماشيين ف الصحرا… طلع عليهم اسد… راح واحد منهم رمي عليه طوبة وطلع يجري … وبص وراه لقى صاحبه واقف ما بيجريش .. قال له مش بتجري ليه؟ قال له واجري ليه؟ هو انا اللي ضربته؟؟؟

 

* مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس … يالهوي وعملتي إية .. عملت بامية وامري لله .

 

* مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي .

 

* حان موعد اختبار المجانين فرسم الدكتور باب مقفول على الحائط واحد ركله والاخر بطحه وضحك الاخير فظن الدكتور أنه شفى فسألة عما يضحكه فقال له المجنون:المفتاح فى جيب

 

* واحد صينى وقع اتكسر – كمان المزيد من نكت جديدة مصرية اخر طبعة

 

* مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين .

 

* واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لما وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت باضحك عليكم”

 

* وادة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقى مليانه .

 

* مرة دكتور تحليل امة ماتت قال تحاليلي ياما.

 

* مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قاله ليه دا انا قدامي واحدة على خمس تلاف وحامل

 

* سودانية لبست فستان أحمر وقالت لزوجها دلعني . .قال لها: يا فحم يا مولع !!

 

* مرة واحد بيقول لمراته “اعملى محشى” فقالت له “ما بعرفش” قلها “ماليش دعوة” فراح الشغل ورجع لقى السفرة مليانة محشى قلها “مين اللى عمله؟” فقالت “معرفش” فأشتكى للبواب، البواب رد وقاله “الشقة ديه مسكونة” فقله “لاياعم أنا هروح شقة حلوان” فطلع الشقة لقى العفش محلول وهو نازل لقى أربع عفاريت بيغنوا “هنروح حلوان هنروح حلوان”.

 

من الحكم والأمثال الشعبية المصرية:
أخر المعروف ضرب الكفوف.
أبرد من مية طوبة.
البرميل الفارغ يرن.
بصلة المحب خروف.
البطيخة القرعة لبها كتير.
البطيخة ما تكبرش إلا في بيتها.
البطن ما تجبش عدو.
بطينه ولا غسيل البرك.
بعد أمي وأختي الكل جيراني.
بعد الجوعة والقلة بقاله حمار وبغلة.
بعد ما كان واتكا قال دا ريحته مستكة.
بعد ما راح المقبرة بقى في حنكه سكرة.
ابطي ولا تخطي.
ابليس ما يخربش بيته.
ابن آدم في التفكير والرب في التدبير.
ابن الحاكم يتيم.
ابن الحرام مخلاش لابن الحلال حاجة.
ابن الديب ما يترباش.
ابن الصائغ اشتهى على أبو خاتم.
ابن الهبلة يعيش أكثر.
ابن الوز عوام.
ابن يومين ما يعيش ثلاثة.
ابنك على ما تربيه.
أبو ألف حسد أبو ميه.
بدال اللحمة والبدنجان هات لك قميص يا عريان.
بدال ما تقول للعمدة يا سيدي أقضي حاجتي بايدي.
بدال ما تعمل توب بقرحة هات لك توب وطرحة.
بدال ما تغشه قول له في وشه.
بدال ما تقعد وتتجسطن اكلم واتوسكن.
البدرية علمت أمها الرعية.
البرطيل شيخ كبير.
البركة في كنر الأيادي.
بركة يا جامع اللي جت منك ما جت مني.
أبو جعران في بيته سلطان.
اتبع البوم يوديك الخراب.
اتبع الكداب لحد باب الدار.
اتحدث في المجلس واللي يكرهك يبان.
اتعب جسمك ولا تتعب قلبك.
اتعلم البيطرة في حمير الأكراد.
اتعلم السحر ولا تعملوش.
اتغدى بيه قبل ما يتعشى بيك.
الباني طالع والفاحت نازل.
بتاع الناس كناس.
البحر يعوز الزيادة.
بختها معها أين ما تمشي يتبعها.
أحضر أردبك يزيد.
أكل ومرعى وقلة صنعة.
أكلة ليلة قريبة من الجوع.
أكلوا الهدية وكسروا الزبدية.
اكمن أبوك جندي داير تهز وسطك.
اكمن أبوك سنجق داير في حل شعرك.
الباب اللي يجيلك منه الريح سده واستريح.
باب مردود شر مطرود.
أكبر منك بيوم يعرف عنك بسنة.
اكتم سرك تكتم أمرك.
أكفي القدرة على فمها تطلع البنت لأمها.
احييني النهاردة وموتني بكرة.
أخته في الخمارة وعامل أمارة.
أخرس وعامل قاضي.
اخلص النية وبات في البرية.
ادلعي يا عوجة في السنة السودة.
ادي سرك للي يصونه.
ادي العيش لخبازينه ولو يكلو نصه.
اديني عمر وارميني البحر.
إذا اشتد الكرب هان.
اقبل عذر اللي يجيلك لحد باب الدار.
إذا كان فيه خير ما كانش رماه الطير.
اسأل مجرد ولا تسأل طبيب.
أعز الولد ولد الولد.
اعمل حاجتي بايدي ولا أقول للكلب يا سيدي.
اعمل الطيب وارميه البحر.
اعمل المعروف مع أهله وغير أهله.
أعمى وعامل منجم.
افتكر لك إيه يا بصلة وكل عضة بدمعة.
اشتري الجار قبل الدار.
اضرب الطينة في الحيطة إن ما لزقت علمت.
اضرب عصاتك واجري وراها.
اطعم الفم تستحي العين.
اطلب لجارك الخير إن ما نلت منه تكتفي شره.
صباح الخير يا جاري قال انت في دارك وأنا في داري.
اضرب الأرض تطرح بطيخ.
اصرف ما في الجيب يأتي ما في الغيب.
اضرب ابنك واحسن أدبه ما يموت إلا لو فرغ أجله.
أردب ما هو لك ما تحضر كيله تتغبر ذقنك وتتعب في شيله.
ارميه البحر يطلع وفي بقه سمكة.
اكسر للعيل ضلع يطلع له اثنين.
الأكل في الشبعان خسارة.
اجري ومد دا شيء يهد.
البايرة أولى ببيت أبوها.
الباطل مالوش رجلين.
بات كلب وأصبح سبع 1.

 

قدمنا لكم عبر موقعنا ” لحظات ” نكت مضحكة مصرية وأمثال شعبية مصرية ” نتمني ان تنال أعجباكم وللمزيد من النكت والأمثال الشعبية زورو موقعنا ” لحظات “