علقت الفنانة نهى عابدين على بدايتها فى برنامج مقالب قائلة : لما عملت برنامج المقالب كنت مستمتعة بيه وأكثر حاجة شجعتنى انى اعمله إنى هقوم فيه بـ30 شخصية فى 30 يوم وأنا لما بعمل دور فى أى مسلسل بيكون دور واحد ولو جاتلى دلوقتى مش هتنفع لان فى وقتها كان أنسب وقت ليها لأنى مكنتش معروفة.
وأضافت خلال لقائها ببرنامج حد النجوم المذاع على القناة الأولى على هامش مهرجان العلمين:انا ممكن اعمل برنامج زى برنامج فى الشقة وأنا بحب الحاجات دى كتير قوى وانا بحب الحاجات دى، وطفولتى ما كانتش أسعد حاجة ومبحبش أتكلم عنها، والدى اتوفى وأنا عندى 5 سنين، ولو كان موجود ممكن ما كنتش دخلت مجال التمثيل أبدا لأنه راجل صعيدى وانا كنت المدللة بتاعته، وساعات كتير كنت ببقى محتاجة حضنه.
وأكدت أن وجود الاب فى حياة البنت بيبقى مهم جدا بيقويها سند وضهر، وانا كبيرى ربنا وفى البنى آدمين ابنى كبيرى وبعمله حساب فى كل حاجة، بنيت لوالدى صورة وشخصية على حسب الـ5 سنين اللى عشتهم معاه،؟ وزواجى استمر 4 سنوات ومش فاكرة اتطلقت امتى، ممكن افكر فى الجواز تانى والمهم عندى طباعه، وأهم حاجة عندى الكرم.
ويأتي مهرجان العلمين في إطار استراتيجية الشركة المتحدة للخدمات الإعلامية لإطلاق مبادرات وطنية بهدف تسليط الضوء على التنمية العمرانية التي شهدتها منطقة الساحل الشمالي الغربي بأكملها وعلى رأسها مدينة العلمين الجديدة، والترويج للسياحة في المدينة وما تتميز به من شواطئ ساحرة ومناخ معتدل معظم أيام السنة، وكذلك الترويج للفرص الاستثمارية بمنطقة الساحل الشمالي الغربي، والتأكيد على دور القوى الناعمة في دعم جهود الدولة للتنمية وتطوير الوجهات السياحية المختلفة.
وحرصت الشركة المتحدة، على أن تضم أجندة الدورة الثانية من مهرجان العلمين الجديدة، عروضا فنية وثقافية ورياضية وترفيهية متنوعة تناسب مختلف اهتمامات الزوار، وتستقطب سياح من مختلف الجنسيات، ويشهد مهرجان العلمين أكثر من 20 فعالية متنوعة، ما بين عروض مسرحية فنية من إنتاج أشهر المنتجين وببطولة ألمع النجوم الكبار والفنانين الشباب، ومباريات لأساطير ونجوم كرة القدم والسلة والطائرة والبادل تنس، وكذلك مسابقة insomnia للألعاب الرقمية، كما يشهد المهرجان تنظيم فعالية Bites by the sea، وهو حدث ضخم لأفضل الطهاة في مصر بما يسهم في دعم سياحة الطعام لأول مرة في الساحل.