موصفات برج الحمل

رجل برج الحمل يحب اوي اه يكون محط اعجاب البنات، بيدخل في العلاقات دي من باب التحدي وبيكون عنده يقين انه حيكسب وده بسبب الشغف والروح القتالية اللي بيتمتع بيها رجل برج الحمل، بيعرف امتى يبتسم ابتسامه ساحرة وامتى يجامل وامتى يغازل وعشان كده في 99% من الحالات بيكسب التحدي، وعشان كده كمان تلاقي عنده معجبات كتير وبينطبق عليه لقب حبيب الجماهير.

رجل الحمل بيؤمن تماما بالحب المثالي وبالشريك المثالي اللي يتنطبق عليه كل الصفات اللي هو بيتمناها، ويوم ما حيلاقيها حيقع في حبها فورا ومش حيقبل كلمة رفض، وعلى طول حيبدأ معركته ومحاولة الوصول لقلبها والفوز بيها، وكل ما كانت المعركة اصعب كل ما ده حيديله حماس اكتر عشان يوصلها ويكسب حبها وموافقتها.

الرجل الحمل بيدور على التحدي في كل مجالات حياته، في حياته العملية والشخصية.. في شغله هتلاقيه بيدور على المشاريع الجديدة الصعبة، وهيشتغل فيه بحماس منقطع النظير وغالبا في النهاية بينجح.. حتي لو كان المشروع نجاحة صعب بالنسبه للناس التانية، بس بالنسبة للرجل ده مفيش تحدي أبدًا صعب وعلي العكس بقي لو كان شغال في مشروع بيتقدم بصورة بطيئة هتلاقيه زهق ومش قادر يكمل فيه لإنه صبره قليل ومش بيقبل انه يكون شغال في حاجة مش ناجحة…كمان في العلاقات موضوع التحدي موجود وبشدة، هو كل مايشعر إن البنت اللي هو معجب بيها صعب الوصول ليها هتلاقيه بيبذل المستحيل عشان يوصللها وهيفضل يحاول ويحاول لحد لما ينجح زي ماقلنا في النقطة اللي فوق.

بالرغم من ان رجل الحمل احيانا بيبان مسيطر وممكن كمان عصبي وعدواني، لكن في الحقيقة هو حساس جدا من جواه وقلبه ابيض اوي، لو لقى ان شريكة حياته متفهمه شخصيته وبتقدم تنازلات عشان علاقتهم تستمر فهو مش حيتردد انه يقدم تنازلات هو كمان وبمنتهى البساطة.

رجل برج الحمل يحب شريكته تكون قوية ومحاربة زيه، ويحبها تتكلم معاه وتناقشه بالتساوي من غير خضوع وضعف بالعكس يحب يحس ان قوته لها قوة مقابلة عندها، بيحتاج اوي للشريكة اللي تساعده في قراراته وتسانده في كل الخطوات اللي بياخدها لحياته يحب الشريكة اللي تشجعه وتقوية ايا كان قراره ده، ومن ناحيته هو بيلتزم بوعوده وتعهداته وبيخلص لشريكته ويكون وفي لها جدا.

لو شوفت تصرفات رجل برج الحمل من بعيد ممكن تتهمه بالتهور والتبذير لأنه دايما يشتري اللي على مزاجه واللي بيعجبه بصرف النظر هو محتاجله ولا لأ، لكن لو كنت قريب منه شوية حتعرف ان هو دايما محافظ على هامش من الامان مش دايما بيخلص كل فلوسه لازم بيحتفظ بشوية مدخرات وبيعرف امتى هو دخل مرحلة الخطر ولازم يخلي باله، اما الادخار بالنسبه له فهو بيحوش عشان يشتري اللي بيحبه كله ومش حيتأخر عن صرف الفلوس في شراء الحاجات اللي بيحبها عشان عارف انه حيدخر ويحوش مرة تانية.

رجل برج الحمل يفضل مواقع القيادة يحب يدي الاوامر اكتر من تلقيها، طبيعته اللي بتخليه يكون قائد هي اللي بتحركه، عشان كده رجل الحمل بينجح في الاعمال اللي بيكون هو مديره وفي موقع القيادة فيها، يعني رجل برج الحمل بيتميز اوي في مهنة الطبيب والمحامي، والعمل في البورصة وانه يكون صاحب بيزنس خاص بيه.

بيحب تكوين الصداقات الجديدة ويحب يدخل في الحوارات ويتكلم ويقول رأيه وخبرته في المواضيع المفتوحة للكلام، والمشكلة والعيب اللي بيواجه المتعاملين مع رجل برج الحمل انه مش بيعرف يذوق الكلام يعني لو سألته عن رأيه في حاجة حتسمع منه الرد الحقيقي اللي هو شايفه من غير مجاملة ولا ذواق، اما بالنسبة للنصيحة فهو احسن واحد ينصح لو اتطلب منه نصيحة ويقولها ويقدمها بمنتهى الاخلاص لكن غالبا لو حد نصحه مش بيهتم بيسمع اوي ولا بيدي ودنه للنصايح.

وللمزيد من الأبراج زورونا علي موقعنا اكبر موقع في الشرق الأوسط والعالم العربي ونبقيكم في رعايه الله والسلام عليكم ورحمه الله وبركاته