صفات برج الثور

الرجل فى البرج ده بيكون صبور جدا عشان يوصل للست اللى بيحبه ومش بيييأس ابدا لأنه بيقدر قيمة الحب وميقدرش يعيش من غيره، انه عاشق للحب، رجل الثور بيحب احساس انه يكون محبوب ومرغوب فيه. مفيش حاجة عنده اسمها العاب فى الحب يعنى مش بيقبل الخداع والغش ولا ان حبيبته تكون بعيدة عنه واى حد ثانى يشغلها لا يمكن ابدا يكسر وعوده وهو حبيب وعاشق من الدرجة الاولى وبيخاص من كل قلبه.

عشان هو ناجح فى عمله ساعات ممكن نقول عليه مادى شوية لانه مش بيسيب فرصة استثمار وتجارة غير لما يجربه وبيحب يكون عنده مقتنيات كثيرة وغالية وبيقدر الفخامة والشياكة وقيمة الفلوس عنده عالية جد، بس على الرغم من كده مش هيبخل على حبيبته بأى حاجة بالعكس هيوفرلها كل احتياجتها.

عنده قدرة تحمل عالية وصبر وبيقضى وقت طويل فى لعب الرياضة وبيحب يختار جدا نوعية اكله لان صحته مهمة وهو من انواع الاجسام اللى ممكن تتخن بسهوله لو ساب نفسه فعشان كده بيحاول انه يحافظ على وزنه.

الوانه المفضلة فى اللبس هى الموف والازرق الفاتح وبيحب جدا يلبس الكرافتات الحرير واحيان التى شيرت الكاجوال. مفيش اى حاجة تكون موضة جديدة وتعدى عايه لازم يشوفها بعينه اللماحة ويشتريه. هو بيعتز جدا بشكله وشياكته لانه عارف انه بيختار ملابسه صح. حب الرجل الثور للشراء والموضة بيرجع لحبه لاقتناء الاشياء زى ما قلنا قبل كده مش بس عشان يواكب الموضة.

رجل الثور احيانا بيكون مش اجتماعى لانه مش بيثق فى الناس بسهولة وبيخاف يتواجد فى مجموعات كبيرة من الناس وانه يتكلم فى تفاصيل حياته قدام حد منهم على الرغم من انه شخص كتوم جدا بس مش هيخلى الناس يبعدوه من حوار وموضوع بيتكلموا فيه لازم يحاول يثبت نفسه.

رجل الثور عنده حرص عالى لأن مقتنياته كثير، فى ناس بيعتبره انانى ومش بيحب يشارك حد فى حاجة بس ده بيكون خوف منه على ممتلكاته اللى لو حد استلفها منه لازم يرجعها بنفس حالتها لانه ممكن يسبب لنفسه مشكله كبيرة مع الرجل ده لو مرجعلوش حاجته ويكون احسن لو محدش اخد منه حاجة.

وللمزيد من الأبراج زورو موقعنا لحظات اكبر موقع في الشرق الأوسط والعالم العربي وكل هذا وأكثر علي موقعنا لحظات ونتمني ان نكون قد اعجبناكم